Talabalari o'rtasida kibersport turi rivojlantirish yuzasidan musobaqa bo‘lib o‘tdi

📝O‘zbekiston Respublikasi Prezidentining 2022-yil 16-noyabrdagi “Kibersport turlarini yanada rivojlantirish va keng ommalashtirishga oid qo‘shimcha chora-tadbirlar to‘g‘risida”gi PQ-423-sonli qarori ijrosini ta’minlash hamda talaba-yoshlarning bo'sh vaqtini mazmunli o'tkazish maqsadida Universitetning "Sport huquqi, ijtimoiy va tabiiy-ilmiy fanlar" kafedrasi hamda Universitet Yoshlar ittifoqi boshlang‘ich tashkiloti hamkorligida “FIFA-2023” o‘yini bo‘yicha musobaqa o‘tkazildi.

🎮Musobaqada turli yo‘nalishlardan 40 ga yaqin talaba-sportchilar ishtirok etib o‘zaro shiddatli va qiziqarli bahslarga kirishdilar.

Ushbu musobaqa talaba-yoshlarning kibersportga bo‘lgan qiziqishini kuchaytirish, ularni yangi marralar sari ilhomlantirish hamda jamoaviy sport turlarining muhimligini yana bir bor ta’kidlashga xizmat qildi.G‘olib sportchilar universitet tomonidan diplom va pul mukofotlari bilan taqdirlanishdi.

Musobaqa tashkilotchilari bunday tadbirlar kelgusida muntazam ravishda o‘tkazilib, talaba-yoshlarning kibersport sohasidagi bilim va tajribalarini yanada oshirishga xizmat qilishini ta’kidlab o‘tishdi.O‘zbekistonning kelajak avlodi uchun kibersportni rivojlantirish yo‘lida qadamlar tashlanar ekan, bu kabi musobaqalar mamlakatimiz yoshlari o‘rtasida innovatsion tafakkurni shakllantirish va texnologik ko‘nikmalarni mustahkamlashda alohida o‘rin tutadi.